2016年9月5日 星期一

《至惡搞凹凸洞救星》Fraxel撫平水痘疤、任何疤痕、妊娠紋

《至惡搞凹凸洞救星》Fraxel撫平水痘疤、任何疤痕、妊娠紋


係我二十年來的美容生涯入面,處理凹凸洞同疤痕都算係其中一項我最花時間及心機進行嘅研究同成就。
凹凸洞坊間一般都會選擇去醫院進行Fraxel激光療程,好多人覺得做完6次或以上,先見到少少改善。
問題出喺邊呢?
儀器都係採用原廠,波長亦相同,唯一嘅分別係如何使用儀器,將其療效發揮極致。

不久之前有位帶著水痘疤問題嘅女士,好煩惱咁唻搵我。原來水痘疤係細細個造成,係面部2粒非常礙眼。
我檢查完之後決定採用subcision加fraxel激光互相配合,一方面透過於皮下插下幼針切斷纖維化組織,一方面等佢漲起嘅時候用激光刺激骨膠原增生,撫平肌膚。
呢個打法唔係度度都有,而且需要專業嘅技術,豐富嘅經驗。但成功機會同復原程度相當的高,大家可以睇到照片中嘅客人,見到新嘅淺色嫩肉重新生長緊。直到皮膚長厚,就會恢復到同隔離嘅正常皮膚一樣顏色,視覺上就完全見唔到有傷口或者印喇!
下次再同大家分享我係面對各種美容奇難雜症嘅個案,或者有任何關於美容上嘅知識都可以問我,盡力為大家解答!


2016年2月23日 星期二

【醫美分享文】細談BOTOX

要講到我自己個人最喜愛嘅醫學美容療程,不得不提及BOTOX~
可能大家會覺得,BOTOX都出現咗好耐啦!咪都不外乎瘦面,去皺紋,而且打得多變硬膠面添!
其實,所謂“細路舞關刀”,BOTOX用得唔好,唔係BOTOX有問題!需要考慮多重,針劑嘅質量重要,醫生嘅手勢都重要,不過最重要係經驗豐富、身經百戰,見得最多個案,再用自己不斷做白老鼠嘅治療師!
好似以我自己為例,認識我嘅朋友都知道,我一條魚尾紋都無。
唔係自誇,因為我用咗一種獨門秘技,掌握好BOTOX嘅分量同施打時間間隔。
咁就可以預防細紋之餘,保持到面部表情嘅正常。
至於瘦面,因為我係肥面而非肌肉厚大,所以BOTOX對我就無乜幫助。
但對於有些姊妹,細個食香口膠食得多,以致咬肌肥大,咁我就強烈建議接受BOTOX治療,
因為價錢實惠,施打若干次數就有永久效果。
邊個唔想塊面細啲,影相都好睇啲啦!
要結婚嘅姊妹就注意,要一個月前施打,因為藥效發揮需要時間,而且有機會注射造成些小淤青,都可以恢復返吖嘛!

說到縮小肌肉,亦不得不提BOTOX嘅瘦腿功效!春天將至,天氣回暖就會著短裙仔。好多姊妹因為走路姿勢不對,或者職業緣故造成小腿肌肉粗壯。
以下就係係Pretty Medical接受BOTOX瘦腿治療嘅真實個案。雖然本身客人對腿都唔算粗,但完美主義嘅佢,希望更幼啲,睇落更精緻。

想體驗BOTOX瘦面V面,唻緊會有好抵嘅優惠,記得密切留意Pretty Medical嘅facebook喇!

2015年12月11日 星期五

【素顏媽媽Sydney】(下集)醫學美容大戰化妝師:雀斑篇


雀斑好可愛?係嘅,如果處於少女階段,可能有少少雀斑係兩邊面旁都幾cutie!Jarita正正就係少女一枚,但點解佢都願意接受我同Stephen嘅去斑挑戰呢?因為佢係醒目女,當佢聽完我講,知道細小嘅雀斑將來會有機會變成大大片嘅黑斑,就決定及早正視呢個問題喇!

唻過Pretty Medical嘅朋友都知道,進行療程前,先會係呢塊照妖鏡,哈哈!係專業嘅皮膚分析儀器至啱,分析一下皮膚,睇清楚皮膚深層嘅狀況。如果底下有斑斑未發出來,又或者有油脂粒窩藏係皮膚入面,用佢都睇得清清楚楚架!所謂知己知彼,百戰百勝吖嘛!

我幫Jarita分析佢嘅皮膚,發現好在佢無最難搞嘅荷爾蒙斑,不過佢嘅墨都算多,而且雀斑都長出咗係顴骨位置。為咗令佢回復初雪凝顏咁嘅肌膚,佢都要接受起碼幾次嘅激光去斑療程架!

今次第一次同佢打Laser,所以事前都要話俾佢知,打嘅時候係咩感覺啦,仲有打完皮膚會有咩反應。

事不宜遲我就拉咗佢入房,任我魚肉喇!哈哈,當然我親手打,係舒適度,同精準度都係非常之好...唔係我自己讚自己,但係年紀大,經驗有返咁上下!哈哈哈~~~

好快手咁同Jarita打咗一個圈係塊面,之後再針對性打一啲重災區,即係色斑較深嘅位置,感覺會大啲,但Jarita都好乖,為咗靚,其實定定地都唔痛呀佢話~

Jarita打咗一次之後皮膚明顯改善,斑斑少咗,膚色白咗,期待佢完全脫斑,我要剝星級化妝師Stephen排牙!

2015年11月12日 星期四

認識冷凍溶脂,令人心痛的新聞:冷凍溶脂收大髀 婦燒傷起「乒乓」泡


認識冷凍溶脂,令人心痛的新聞:冷凍溶脂收大髀 婦燒傷起「乒乓」泡



     每人都有愛美的心,但係如果變美變瘦不遂,仲要留下傷痕,心理陰影,真係貼錢買難受。一直以來我都同客人講,變靚想快唔係唔得,但安全第一,你唻到鋪頭,信任得我,我就有責任要保障你嘅人身安全。做facial做treatment咋喎,咁大件事??係呀!!係好大件事,特別係市面上嘅醫學美容儀器越來越五花百門,美容院開到成行成市,點分辨每項美容項目嘅有效性同風險,美容師嘅專業性,真係要眼觀四面,耳聽八方。譬如個間美容院成立咗幾耐?有無因為出過事故改過名?美容師同顧問嘅資格?呢啲上網做下資料,或者向美容師同顧問抽問多啲專業美容問題,都可以略略了解一間美容院嘅質素。當然,一間美容院如果有醫學美容儀器,就最好一定要有醫生主理。好似今次呢間出事嘅美容院,用冷凍溶脂技術為客人減肥,就係因為員工操作失當。
     首先,冷凍溶脂係一門咩技術呢?冷凍溶脂(Cryolipolysis),又名冷凍脂肪術,係將冷凍溶脂儀置於人體皮膚表面,使皮下組織冷卻到5℃,脂肪細胞提前老化,並陸續死亡,通過新陳代謝排泄出體外,達到瘦身的效果。源自美國的減肥術改採用的富有創新性的機器名為“Zeltiq”,由哈佛大學和馬薩諸塞州總醫院的研究人員研製,2012年由PRT公司引進中國市場。並通過了FDA(美國食品和藥物管理局)和CE(歐洲安全認證標誌)認證,係目前新出現的一門減肥技術,係美國、英國、加拿大等國家已得到廣泛的臨床應用。
     一個有曬國際認可嘅減肥技術,又點解會出事呢?有專家就提醒,冷凍溶脂儀的溫度一定要控制好,唔能夠過低,否則都會傷及皮膚,並且接受了冷凍溶脂法後,仲要經常鍛鍊注意飲食,咁先唔容易反彈。
     一把刀可以用來切菜,亦同樣可以傷人,視乎係揸刀人點舞把刀。呢位顧客非常不幸,如果佢見到呢篇文章,好歡迎佢係康復後如果仲留有疤痕,我地可以免費為佢去除。當然,係有醫生主理嘅情況下,確保安全!

2015年10月28日 星期三

P.B.Group紅磡分店派米活動【愛的種子❤美從心出發】2015-10-27

的種子美從心出發

今日是主賜的好日子!
大概係一個月前,心入面突然有股衝動,好想透過P.B. Group大家庭做一啲溫暖又可以發放正能量嘅事情~於是乎,我就諗
(同事A:Sydney你又諗頭?!想點先?)
欸,喂!不如派米吖!(同事B:下?美容院派米?個感覺有啲唔夾,就好似以為飲嘅係咖啡,點知一啖飲落去發現係可樂
其實美容院派米唔係無得諗吖!我地有間分店喺紅磡!紅磡好多公公婆婆,街坊街里應該守望相助!
(同事C:公公婆婆唔會幫襯你買facial架喎
呢個唔係宣傳活動~我希望除咗可以派米幫到有需要嘅人,仲可以將天父爸爸嘅愛傳開去,公公婆婆腳痛手痛,我地有按摩治療師正正可以幫到佢地,同時以傳埋福音,一於搞啦!
就喺我一聲令下,P.B. Group大家庭就眾志成城搞派米,又要預備海報傳單,又要聯絡福米供應商,又要同周邊街坊溝通,鋪頭員工又要落手落腳做義工!係度想講聲多謝!多謝大家陪我一齊興奮,一齊熱血!先令第一波派米行動可以順利進行!
當日我見到有好多天使,天使唔係有著翅膀,唔係識發光,而係切切實實,心裡帶著愛咁去幫助人!愛你們每一位!
派米日期:2015年10月27日起,逢週二下午
派米地點:九龍紅磡 湖光街1-7號聯盛大廈地下
聯絡電話:39569845
留張倩影~

有位婆婆腳痛,我地嘅按摩師即刻幫忙舒緩~

公公婆婆飲羅漢果水同菊花茶,秋冬前夕滋潤下!


婆婆們齊按摩~好溫暖!



2015年10月9日 星期五

有Sydney,無斑斑!(二:追加文)做足防曬~~敏感肌~暗瘡肌也不怕!

【追加文】做足防曬~~敏感肌~暗瘡肌也不怕!


上一篇講防曬比拼文一出,反應熱烈~~有位女同事睇完問我,Sydney你提嘅幾款防曬,係咪生暗瘡都搽得架??
睇過,你邊有暗瘡呀??係Pretty Medical做得嘅同事,講真,皮膚全部都好好!
哈哈,近水樓台先得月~~~佢地要做幾多facial我都好鼓勵架~~~睇住大家變靚我就好開心~~
生招牌!
點知同事好緊張指住自己“丁”咁大粒嘅黑頭仔話係暗瘡,激死!
我睇真啲,黑頭事小,不過比較多微絲血管,屬於敏感肌膚就真~~
始終防曬日日搽,含有酒精性份嘅日本防曬一定唔啱佢。最好就用全天然,礦物質,但之前介紹過Bareminerals,雖然係礦物質,但係粉狀,董醫生話做唔到100%覆蓋架。
所以如果要全天然,礦物質,又要液狀,
我推薦以下呢款,DERMIS UNIQUE 。佢唔含酒精。有綠茶成份(抗氧化),庫拉索蘆薈葉萃取(保濕),葵花籽油(含豐富之維他命E 及亞麻油酸,本身抗氧化性佳),但不得不提,呢款防曬含有Retinyl Palmitate,即係棕櫚酸維他命A,雖然有抗痘功效,但董醫生叫我提提大家,懷孕同準懷孕期間就盡量唔好用喇~
噢,呢位同事無BB亦唔打算生BB住,即刻借佢手仔唻試用下~~



質感:★★★★☆
同事:膏狀感覺,質地係杰身,但容易推開,唔錯。

美白效果★★★★☆
氣味:★★★★★(無味)
同事:隻色紅紅地,涂上面應該可以令氣色好啲。
結論就係呢款防曬好處係天然,含有抗氧化成份較多,唔好處係稍嫌SPF30度唔係好夠,平日翻工OK,但出海玩就唔夠用~~而且for翻真係暗瘡人士(我講真正暗瘡,唔係一粒黑頭XD)我素顏媽媽搵多咗另一款防曬唻介紹俾大家,多個選擇!

登登登凳~~~就係Elta MD嘅防曬喇!有分SPF41同46,哈哈個數字好騎呢,但ANYWAY都係用翻我教大家嘅方法,SPF41x15分鐘咁唻計翻幾耐需要補搽!
以下試上手嘅係UV Clear Broad Specturm SPF46,專門為暗瘡肌膚而設!!內含Nicotinamide,維生素B3 之衍生物。可以維持肌膚含水量,增進真皮層微循環。

研究亦都顯示對於部分皮膚發炎狀況有抗炎之幫助,阻止發炎性痘痘(inflammatory acne)惡化!
哼去死啦痘痘~~加上佢有Sodium Hyaluronate,即係玻尿酸(我為咗查呢啲特有名詞,狂煩董醫生哈哈)號稱最強保濕劑!


質感:★★★★★
同事:感覺容易推開~會薄身過之前個款~

美白效果:★★★★★
                                                氣味:★★★★☆(少少防曬用品個種特有味~~)
同事:個味好海灘呀~~hahaha~即係去海灘會搽太陽油個陣味!不過搽完睇落好白凈...
結論就係如果論SPF防曬指數,呢個牌子會優勝點,但講天然成份,上面個款較為優勝。至於SPF41個款係專門比大家落水,去海灘用嘅!擁有40分鐘防水功效!而且敏感肌膚都可以用呢!




以上兩款就係出面比較少見,我個人私心認為比敏感肌同暗瘡肌妹子嘅特好用防曬用品~~
今次同大家講清楚有咩成份,因為我見好多妹子買護膚品也好,防曬也好,通常唔會留意得咁清楚,但了解自己搽緊咩,係好重要,皮膚係我地身體嘅第一度防線,要好好保護嘛!

2015年10月8日 星期四

有Sydney,無斑斑!(二)做足防曬~~擊退色斑

SPF度數嘅真正意思??唔關防曬強度事??

話說呢幾日都天陰陰,無太陽出~~好嘢!唔洗曬~~

但風雨不改,最貪靚的我,避免斑斑打走咗又跑出來~都照舊每日塗上SPF50度防曬~
因為我地嘅駐診皮膚醫生董醫生話,無論係室內燈光定電腦屏幕,都有紫外線架!
我希望啲防曬可以好似Iron Man嘅面具一樣咁堅固,保護我嘅幼嫩肌膚!(唔好打我,要打都唔好打面)










點知轉個頭皮膚醫生又話我知,阿Sydney,其實SPF(Sun Protection Factor)度數高低其實並唔代表擋到紫外線強度嘅能力~度數越高,只係代表,work嘅時候越長!
我聽完之後嘅反應係...
唔通咁多年涂50度防曬都係白搽?早知買低度數啲防曬,反而無咁Block毛孔啦!






董醫生好冷靜咁答我...唔係...一般人唔係懶就忙(聽落幾有道理),唔會補防曬,所以防曬度數越高,咁你受紫外線照射嘅時間咪越少囉!
好學嘅素顏媽媽,即係我,舉手問,欸..咁搽SPF50度防曬,可以頂到幾耐呀??
董醫生又好有型咁回我~~
雖然暫時未有國際公認嘅計算標準知道唔同度數嘅防曬可以Keep到幾耐,但都有數得計。一般呢,亞洲人暴曬,約15分鐘就會曬傷~
條公式係咁計:
SPF 50 X 15(mins) =  750mins 
750分鐘即係大概有12個小時。
換言之。早上9點塗SPF50度防曬,直到晚上9點都有效嘅。


咁我地係防曬產品包裝上見到嘅PA+同++同+++又係咩唻架?

SPF同PA都係巧立名目?!



其實PA+同SPF一樣,都係指出防曬嘅時間。
唉,同樣係指防曬時間,又要分SPF又要分PA!
無辦法啦,商業世界,包裝好重要,多樣標籤,就可以標榜多一樣嘢,唔同嘅SPF組合唔同PA值,大家就會買多幾款唔同嘅唻試!
你問我邊隻防曬用品好用?幾時選擇咩度數?
我會覺得只要做到完全每吋肌膚防曬,唔癡立,唔搞到生粒粒,同SPF,PA度數夠高,就Perfect。
睇真啲,第一點係每吋肌膚,所以粉狀防曬基本可以OUT,又唔防水防油,香港天氣唔係熱到出汗,就落雨(同董醫生講,人唔係懶就忙一樣哈哈)
試問粉狀防曬點完全care,頂多用來補下~
試用過Bareminerala身體粉狀防曬,身同面都搽得。我認為佢比我用過清爽嘅液狀防曬還要癡立,而且只係得SPF30度。搽完皮膚顏色又無改善...
另一款係喺泰國買翻唻Ponds
支防曬粉無詳細講防曬度有幾多SPF,不過就有註明係"Double UV Protection".
不過咁,無列明清楚,我覺得作為防曬產品係令人唔夠安心。主要嘅功效係"控油,定妝,防曬",有朋友話係泰國買左開唻用,無曬黑到...但抵讚嘅係,起碼佢真正做到控油先~同對膚色提升都有幫助,好過Baremineral架喇。



液態狀嘅如果要唔太癡立,通常係日本牌子。
但不得不注意嘅係,大部分日本牌子嘅防曬,都內含酒精。對出油多嘅妹子還可以,但對一些皮膚本身乾(我都係,一般會生雀斑嘅人士都係)及一啲對酒精過敏嘅妹子,就可能唔太適合。
Biore呢款,有痘痘肌嘅朋友同我講好適合自己用,唔會出粒粒,膚色紅潤得來有光澤,雖然遮瑕度一般。但防曬指數確係高,價錢又便宜。


最後唻到我目前遇到最好用嘅防曬~La Roche-Posay,雖然佢叫Gel,但其實都係cream狀。點解話佢好用呢?SPF50搭PA++++證明防曬嘅時效夠曬長,啱我呢啲唔係懶緊就忙緊,唔會補防曬嘅人!加上佢有控油粒子, 防曬度高都Keep住清爽!防水度又高,唯一小小缺點係遮瑕度唔高,對一啲皮膚本身OK嘅妹子可以,但如果有嘢要遮下,可以用呢個牌子另一款潤色系列。以下:


會無咁控油,但遮瑕效果好啲!
呢兩款我親身試過,行山都曬唔黑!