2015年5月18日 星期一

上帝的男高音

剛剛睇完一套非常激勵人心嘅真人真事電影,叫「上帝的男高音」。




電影內容係講發跡於義大利嘅韓籍男高音歌唱家裴宰徹,喺歐洲嘅歌唱事業如日中天,喺經理人澤田引領之下,遠赴日本演出威爾第歌劇【遊唱詩人】,再造成空前轟動。但當裴宰徹正處於事業顛峰之際,就發現患咗甲狀腺癌,仲必須要切除部份聲帶,醫生話佢知,佢嘅歌唱生涯都會跟住結束…我諗呢個打擊對任何人嚟講都係恐怖嘅,而主角當時仲係個咁成功嘅歌唱家,想像唔到突然間無哂一切嗰種驚慌同彷徨。















當佢陷入喺殘酷嘅現實世界同夢想之間,極度痛苦嘅時候,經理人兼好朋友澤田無放棄希望,千辛萬苦去揾聲帶手術權威去幫佢執刀,希望奇蹟會出現…男主角憑藉著信仰、妻子同澤田嘅支持,就以無比堅強嘅毅力去面對呢場人生挑戰……每次一聽到佢唱詩歌,我d眼淚就控制唔到,見到佢由高峯跌落谷底,再好用力咁爬番起身,真係好激動。

套戲嘅人物感情拍得好細膩,故事內容交代得好清脆、唔說教,啲鏡頭攞位又靚,睇得到製作團隊嘅誠意,比起一般商業電影,可以話係一股清泉,絕對係一套值得睇嘅好戲!!





《上帝的男高音》慈善優先場觀後感 - Sydney Ng (Pretty Beauty Spa創辦人)



video